Gesu' jitlob fil-gnien taz-Zebbug

Mbaghad hareg u mar bhas-soltu fuq l-gholja taz-zebbug, u d-dixxipli wkoll marru mieghu.  Kif wasal hemmhekk qalilhom: "Itolbu li ma tidhlux fit-tigrib".  Mbaghad tbieghed minnhom daqs tefgha ta' gebla, u nxtehet gharkubbtejh jitlob u jghid:  "Missier, jekk inti trid, warrab minni dan il-kalci! Izda tkun maghmula r-rieda tieghek, u mhux tieghi".  Deherlu anglu mis-sema biex jaghmillu l-qalb.  (Lq 22, 39-43)

Hsieb:

Fil-gnien tal-Eden Alla johloq il-bniedem fuq xbieha tieghu, u jinzel jippassigga mieghu. (Gen 3,8).  Il-Hallieq jitkellem mal-hlejqa tieghu!  Izda x-xitan jidhol bejniethom u jkisser din ir-rabta, hekk li l-bniedem jaghti widen mhux aktar ghal kliem il-Hallieq izda ghal kliem il-Qarrieq.

Fil-Gnien taz-Zebbug, Bin il-Bniedem fis-sikta tal-lejl jerga' jiltaqa' mal-Missier u jitkellmu flimkien.  L-Iben idur lejn il-Missier u jghidlu: "Missier, tkun maghmula r-rieda tieghek, u mhux tieghi".  Dak li tkisser fl-Eden, issa jiehu l-hajja fil-Gnien taz-Zebbug.

 Talba:

O Marija, gnien tal-Hallieq! Gufek huwa ghalqa ghammiela li fih gie mizrugh il-Verb Divin.  Fik u bik il-Kelma ta' Alla saret bniedem bhalna.  Inti l-Mara li tghozz f'qalbek din il-Kelma u tahseb fuqha.  Inti titkellem mal-Kelma ta' Alla.

Izda inti wkoll il-Mara tas-Skiet!  Iva, fis-skiet tiltaqa' mal-Hallieq!  Ghaliex fina u madwarna jinsab ftit silenzju?  Ghaliex nibzghu mis-skiet?  Marija, ghallimna nhobbu s-silenzju.  Ghinna nidhlu fil-kamra ta'gewwa u hemm, fil-fond ta' qalbna, niltaqghu mal-Kelma Divina, dik il-Kelma li Ommna l-Knisja tizra' fina permezz tal-predikazzjoni u bil-qawwa tal-Ispirtu s-Santu. 

Nadurawk Gesu' u nberkuk, ghax b'salibek u l-mewt tieghek inti fdejtna.

(Mehuda mill-ktieb: Hadha Ghandu ta' Dun Gerard Buhagiar)

Il-Vara ta' Gesu jitlob fil-Gnien taz-zebbug