Kungress dwar it-Teoloġija tal-Ġisem qed jiġi offrut online madwar id-dinja wara li r-reġistrazzjoni għalih fejn kien pjanat li jsir, ingħalqet.

L-Istitut għat-Teoloġija tal-Ġisem qed iżomm l-ewwel Kungress Nazzjonali bejn it-28 u t-30 ta’ dan ix-xahar qrib Philadelphia, kungress li qed jattira numru ta’ kelliema sabiex jagħtu r-rappreżentazzjonijiet tagħhom u jmexxu workshops fuq is-suġġett minn diversi perspettivi: il-ministeru pastorali, il-katekeżi u l-evanġelizzazzjoni, il-filosofija u t-teoloġija, kif ukoll iż-żwieġ u l-familja.

Il-kelliema jinkludu lill-kardinal Justin Rigali ta’ Philadelphia; Helen Alvaré, professur tal-liġi u konsulent għall-Kunsill Pontifiċju tal-lajċi.

Maria Stumpf, direttur tal-operat u l-programmi tal-Istitut qalet li r-reġistrazzjoni għall-Kungress għalqet malajr. Kien irrappurtat li se jattendu mal-450 persuna minn għaxar pajjiżi. Dawn jinkludu 42 saċerdot, 16-il soru u 5 djakni.

Wara li għalqet ir-reġistrazzjoni kien deċiż li indirizzi li se jsiru mill-kelliema kif ukoll preżentazzjonijiet magħżula se jkunu aċċessibbli online għal dawk li ma jistgħux jattendu għall-Kungress madwar id-dinja.

Nhar il-Ġimgħa, 16 ta’ Lulu, 2010, il-Kummissjoni Djoċesana Żgħażagħ ppreżentat lill-Isqof Mario Grech b’tifkira taż-żjara tal-Papa Benedittu XVI f’Malta. Il-preżentazzjoni saret waqt laqgħa bejn il-KDŻ Malta u l-KDŻ Għawdex fil-Kurja tal-Isqof ta’ Għawdex.  It-tifkira, replika tal-istess pittura li ż-żgħażagħ irregalaw lill-Papa, timmarka l-kollaborazzjoni mill-qrib li saret bejn iż-żewġ Kummissjonijiet fit-tħejjiet għal din il-miġja.

Waqt il-laqgħa, iż-żewġ kummissjonijiet,  ħadu l-opportunità li jistiednu lill-Isqof Grech biex jieħu sehem fil-Jum Dinji taż-Żgħażagħ f’Madrid, is-sena d-dieħla. Mijiet ta’ Maltin u Għawdxin huma diġà mistennija li jipparteċipaw f’dawn iċ-ċelebrazzjonijiet fi Spanja fejn żgħażagħ minn madwar id-dinja kollha se jqattgħu ġimgħatejn flimkien fil-preżenza tal-Papa.

Iż-żjara tal-Papa f’April li għadda qanqlet moviment u entużjasmu ġdid fost ħafna żgħażagħ Maltin u Ghawdxin, li issa qiegħdin iħarsu bi stennija lejn il-Jum Dinji taż-Żgħażagħ f’Awwissu 2011. Fl-aħħar edizzjoni, li saret f’Sydney fl-2008, iż-żgħażagħ ta’ Malta u Għawdex kienu akkumpanjati mill-Arċisqof Pawl Cremona.

Il-Kummissjonijiet taż-żewġ Djoċesi esprimew l-intenzjoni li jkomplu jaħdmu flimkien fil-ko-ordinazzjoni tal-mixja lejn il-Jum Dinji taż-Żgħażagħ, li se tkun qiegħda tittratta t-tema tal-fidi fir-relazzjoni ma’ Kristu. Fuq xewqa ta’ diversi żgħażagħ, ir-rapreżentanti taż-żewġ Kummissjonijiet qiegħdin jagħmlu kuntatti ma’ Spanja biex artisti Maltin u Ghawdxin ikunu jistgħu jesebixxu l-produzzjonijiet tagħhom waqt il-ġimgħatejn tal-Jum Dinji taż-Żgħażagħ.

Il-Papa Benedittu XVI se jaħtar rappreżentant għall-Gvern tal-Vjetnam bħala l-ewwel pass

Wara laqgħabejn rappreżentanti tal-Vatikan u tal-Vjetnamm fl-aħħar ġimgħa ta’ Ġunju fil-Vatikan stess, stqarrija qalet li b’differenza minn Nunzju, ir-rappreżentant tal-Vatikan mhux se jkun residenti l-Vjetnamm għalissa. Il-laqgħa tal-grupp konġunt ta’ ħidma bejn iż-żewġ naħat kien immexxi minn Mons Ettore Balestrero, sotto-segretarju tal-Vatikan għar-relazzjonijiet nejn il-pajjiżi differenti, flimkien mal-Viċi Ministru tal-Vjetnamm għall-Affarijiet Barranin, Nguyen Quoc Cuong.

Il-laqgħa tal-aħħar ta’ Ġunju kienet it-tieni inkontru ta’ dan il-grupp konġunt ta’ ħidma. Il-laqgħa saret madwar sitt ġimgħat wara li rriżenja l-Arċisqof ta’ Hanoi, fost għajdut li dan sar fuq rakkomandazzjoni tal-gvern Vjetnamiż lill-Vatikan. L-Arċisqof ċaħad li kellu xi forma ta’ pressjoni biex jirriżenja, wara li talab lill-kattoliċi fl-2007 sabiex jitolbu li l-Gvern ireġġa n-nunzjatura appostolika lill-Knisja.

AsiaNews, aġenzija kattolika tal-aħbarijiet ibbażata f’Ruma,qalet li l-Arċisqof irriżenja minħabba li l-Gvern Vjetnamiż għamel din kundizzjoni biex jiddiskuti r-relazzjonijiet diplomatiċi bejn iż-żewġ naħat.

VATICAN CITY (CNS)

Il-qari f'dan il-Hadd huwa: Qari I - Gen 18, 20-32; Qari II - Kol 2, 12-14; Evangelju Lq 11, 1-3.  It-tema principali ta' dan il-qari huwa t-talb.  Filwaqt li fl-ewwel qari naraw lil Abraham jitkellem ma' Alla b'certa biza', fl-evangelju Gesu' jurina mod gdid ta' kif nirrelataw ma' Alla. Gesu jistedinna biex lil Alla nsejhulu 'Abba' li jekk ikollna naqilbuha bil-Malti tigi 'Papa'.  Gesu jridna nersqu lejn Alla b'atteggjament ta' wlied lejn missierhom.  B'dan il-mod it-talb ma jibqax sempliciment 'nittallab xi haga minghand Alla' imma jsir djalogu/kuntatt mal-Hallieq.  L-importanti fit-talb mhux kemm naqla dak li nkun tlabt imma kemm inkun hloqt relazzjoni mal-Missier.