Din hija il- Liturgija tal-Hames Hadd  ta' matul is-sena (2020)  bi hsibijiet  min Joe Rapa.

Fuq mitejn sena ilu seħħet ir-Rivoluzzjoni Franċiża li kienet frott moviment filosofiku msejjaħ “l-Illuminiżmu”.  Din il-filosofija, li kellha l-bejta tagħha fi Franza, ippruvat tkun soluzzjoni għall-qagħda inġusta tas-soċjetà li kienet tbegħdet minn Alla u mill-imħabba tal-proxxmu. Imma dan il-moviment kien għal kollox kontra Alla u kontra l-ispirtu tal-Vanġelu u welled politika vjolenti f’rivoluzzjoni mdemmija u, bħalma jiġri dejjem, ipprova jiġġieled l-inġustizzja b’inġustizzja akbar.

Nhar il-Ħamis 30 ta’ Jannar 2020 saret l-ewwel Katekeżi Bibblika fuq San Ġwann Battista, bi tħejjija għall-Festa ta’ din is-sena, li ser tkun waħda speċjali fl-okkażjoni tal-175 tal-istatwa ta’ San Ġwann Battista. Il-Katekeżi tmexxiet minn P. Marcello Ghirlando OFM. Dawn il-Katekeżi ser jibqgħu jsiru waħda kull l-aħħar Ħamis tax-xahar, sal-Festa.

Din hija il- Liturgija tal-Prezentazzjoni tal-Mulej ( Il-Gandlora ) (2020)  bi hsibijiet  min Joe Rapa.

Erbgħin jum wara t-twelid tal-ewwel tifel ta’ kull familja Lhudija, hu kien jiġi mifdi mill-ġenituri tiegħu għax kien ikun propjetà tal-Mulej.  L-istess għal  kull ferħ maskil tal-annimali li jitwieled mill-omm.  Wara din l-ordni li l-Mulej kien ta lill-poplu tiegħu hemm moħbi l-Misteru tal-Għid.  Dan lilna jħawwadna xi ftit għax għal żmien twil fl-istorja warrabna miċ-ċentru tar-relazzjoni tagħna ma’ Alla l-Misteru tal-Għid li fih Alla jifdi, jeħles, isalva, jaħtaf minn ħalq il-Mewt lil kull bniedem.  Iktar ikkonċentrajna fuq dak li nistgħu nagħmlu aħna għas-salvazzjoni tagħna milli dak li kapaċi jagħmel Alla għalina bla ma jistħoqqilna.